Dr. Eva Habazaj

Eva Habazaj është diplomuar në vitin 2010 si mjeke stomatologe pranë Fakultetit të Mjekësisë së Tiranës, dega Stomatologji. Ajo ka një eksperiencë 15-vjeçare në fushën e stomatologjisë duke punuar në sektorin publik dhe privat.Nga viti 2012 deri në 2014 ka qenë pedagoge e brendshme pranë Universitetit Amerikan të Tiranës, Fakulteti i Mjekësisë, Dega Stomatologji. Në periudhën 2017-2021 ka
qenë mjeke stomatologe në Njësinë Vendore të Kujdesit Shëndetësor Tiranë, Sektori i Shërbimit Stomatologjik. Që nga janari i vitit 2022 ajo është mjeke ordinatore pranë Klinikës Stomatologjike Universitare (Qendra Spitalore
Universitare “Nënë Tereza”) në Tiranë. Nga viti 2021 e në vijim është pedagoge e jashtme pranë Fakultetit të Mjekësisë Dentare në Tiranë. Ka përfunduar ciklin e tretë të Specializimit afatgjatë në Pedodonti në vitin 2024 dhe ka pasur një angazhim të vazhdueshëm në fushën e shkencës dhe kërkimit. Ka marrë pjesë si autore dhe bashkëautore në shumë konferenca shkencore brenda dhe jashtë vendit duke u përqendruar kryesisht në problematikat e trajtimit dentar në moshat pediatrike, profilaksinë dentare, dentistrinë restorative etj. Përveç kësaj, ajo ka një pjesëmarrje të gjerë në trajnime të shumta, përfshirë tematika si Pedodontia, Endodontia dhe Dentistria Estetike.